افضل اضافات لجوجل كروم منزلهم عندي بيسهلوا عليك حاجات كتيرة وانا شخصيا بستعملهم كتير..اضافات بسيطة وحجمهم صغير بتنزلهم من جوجل ويب ستور وبيتيحوا لك خدمات كتير مفيدة..
اول اضافة عندي اسمها
Care Your Eyes
هذا الاضافة بتسمحلك انك تحول اي موقع صفحته بيضاء مزعجة الى اللون الاسود حتى لو كان الفيسبوك..
الهدف منها ان اللون الابيض في بعض المواقع بيكون عامل اضاءة عالية ممكن تزعج عينيك وبالتالي تقدر تغير اللون بتاع الموقع الى لون غامق مظلم يريح عينك وفي اي وقت تقدر ترجع اللون الطبيعي تاني..
Adblock تاني اضافة عندي هي الAdblock اللي لا غنى عنه طبعا وده بيمنع الاعلانات المزعجة الكتير على جميع المواقع زي اليوتيوب وكمان بيمنع الصفحات المنبثقة اللي بتفتح فجأة لما تدخل على بعض المواقع..
Download FB Albums
تالت اضافة ودي بتسمحلك بضغطة واحدة انك تنزل عندك اي البوم صور على الفيسبوك بدون ما تقعد تفتح كل صورة وتحفظها بشكل ممل..
Marker
رابع اضافة بستعملها هي الMarker ودي بتسمحلك انك تعلم او تحدد اي كلمات او جمل في اي صفحة باللون الأصفر المميز او بأي لون تاني زي الماركر اللي بنستعمله أثناء المذاكرة..بتسهل عليك قراءة المقالات وتحديد المهم فيها..
Image Downloader
خامس اضافة هي الImage Downloader ودي بقا بتخليك تنزل أي صور على موقع دفعة واحدة وكمان بعض المواقع بتكون صورها محمية وممنوع تنزلها فبالاضافة دي ضغطة واحدة بتقوم منزلها..
Full Page Screen Capture
سادس اضافة ودي بعشقها شخصيا وهي Full Page Screen Capture بضغطة واحدة بتقوم واخدة سكرين شوت لكل الصفحة " مهما كان طولها "..
السكرين شوت العادية بتاخد صورة الصفحة المعروضة فقط, لذلك لو صفحة او بوست طويل قوي عالفيس مثلا او مقالة طويلة مش هتقدر تحفظها كسكرين شوت الا على مراحل عشان حجم الشاشة..
Save as PDF
سابع اضافة هي Save as PDF ودي بتسمحلك تحفظ وتخزن الصفحة اللي انت فاتحها ككتاب pdf يعني مثلا لو مقالة طويلة ممكن تخزن صفحتها عندك على هيئة كتاب صغير تلف فيه براحتك في اي وقت بدل ما تحفظ الصفحة نفسها بشكل ممل..
google shortener
ثامن اضافة هي الgoogle shortener ودي بضغطة واحدة بتعملك لينك مختصر للصفحة بدل اللينك الطويل بتاعها..ودي بستعملها في البوست ده زي مانت ملاحظ
google translate
الاضافة ماقبل الاخيرة هي طبعا الgoogle translate ودي بضغطة واحدة تفتحلك ترجمة جوجل او تترجملك صفحة بأكملها من الانجليزي للعربي لكن في بعض الاحيان بتكون ترجمة مش دقيقة يعني ركز برضه..
Avira Browser Safety
آخر اضافة هي Avira Browser Safety ودي بتريحك كتير من الصفحات المقرصنة او اللي عليها فيروسات ولو جيت تدخل على صفحة غير آمنة بتنبهك قبل ما تفتحها يعني من الاخر امان مريح بأضافة بسيطة..
لو بتستعمل اضافات مفيدة ياريت تقولنا عليها ^^
خبير تقنية أمن المعلومات . يتركز اهتمامتي في نشر الوعي الامني الالكتروني وثقافة الخصوصية وفني صيانة ومطور ويب.
ليست هناك تعليقات:
إرسال تعليق